قال: للقرعة مشطين وللعمشا مكحلتين
متل بشكير الحمام من ايد لايد
قال : فارة وقعت من السقف قالتلها القطة اسم الله قالتلها اتركيني بحالي وانا بألف خير من الله
قال: خنفسة شافت بنتها على الحيط قالتلها تقبريني متل اللولية بخيط
قال: صار للدبانة دكانة وصارت تسكّر على بكير
قال: زبال وشاكل وردة
قال: الجمل لو شاف حردبتو كان وقع وانكسرت رقبتو
قال : لبسو المكنسة بتطلع ست النسا
قال : لابق للشوحة مرجوحة ولابو بريص قبقاب
قال: الله يخليلي ياك يا لساني شلون ما درتك بتندار
قال: عم يتباهى بضفاير بنت خالتو
قال: من زبيبة بيخمر
قال: يا فرعون مين فرعنك؟؟ قلو ما لقيت حدا يردني
قال : حط اصبعتك بعينك متل ما بتوجعك بتوجع غيرك
قال : متل الحرباية بالوش مرايا وبالقفا صرماية
قال : البرغوت قال للبقة يضرب الشرشوح اذا اترقى
قالو لكتّار الغلبة نص الدنيا الكن..... قالو النص التاني لميين؟؟
قال: ست وجاريتين على قلي بيضتين
شو ما طبخت العمشا جوزها بيتعشى
قالو للبغل مين ابوك ؟؟ قال الحصان خالي
قال: من معرفتو بالصحابة بيترضى على عنتر!!
قال: ياللي القلم بايدو ما بيكتب حالو من الاشقيا
قال: ان بزقنا لفوق على شواربنا وان بزقنا لتحت على دقنا
قال : عاشقك لا تاخديه ومطلقك لا ترديه
يا جاي بلا عزيمة يا قليل القيمة
. حضرنا الحطب والعريس لسه ما خطب
الحطب : مشان نعمل الولائم الخاصة بالعرس
. راحت الخيل تتحدى مدت الخنفسة رجليها
يقال إذاحدى من صغار القوم دحش حاله مع علية القوم
. أدن من طين وأدن من عجين
يعني الواحد الكلام بيفوت من أذن وبيطلع من الثانية
. خدوا فالكن من أطفالكن.
. ألف قولة جبان ولا قولة الله يرحمه.
طلعنا من تحت الدلف لتحت المزراب.
الدلف : الماء المنبعث من خلال الشقوق – المزراب : ماسورة المياه
. رضينا بالبين والبين ما رضي فينا.
البين : أي شي سيئ او تعبان او دون المستوى المطلوب
. مشتراة العبد ولا تربايتو.
. ابو العباية مابنريده وابو الجوخة مابيجينا
. قولي بيضا واسكتي وقولي سمرا ووصفي
يعني الفتاةالبيضاء : ما بحاجه الى وصف . والسمراء : كلها أوصاف ( الإثنتين حلوين )
. رجال بالبيت رحمة ولو كان فحمة
. ايش عرف الحمير بأكل الزنجبيل
. انا ماأخذوني على حمار خدودي، انا اخذوني على صيت جدودي
حمار خدودي : اللون الأحمربالوجنتين – يقال للتباهي بالأصل والفصل
. بيتحركش بالحمى لتجيه برديه
ليست هناك تعليقات:
إرسال تعليق